Lushnjë- Një tentativë grabitje ka ndodhur në orët e para të mëngjesit në Lushnjë.
Një 65-vjeçar i cili tentoi të vidhte bagëtitë në një shtëpi në Plug ka rënë në prangat e policisë.
Dedë Dedaj pasi është pikasur nga i zoti i shtëpisë, Flamur Mane është përleshur me të madje edhe e ka qëlluar me armë gjahu.
Pas incidentit Mane ka njoftuar policinë që bënë të mundur edhe kapjen e hajdutit, gjithashtu banues në Plug.
Ndërkohë i plagosuri ndodhet te Trauma jashtë rrezikut për jetën.
Burime për Report Tv kanë thënë se edhe disa disa ditë më parë, Flamur Manes i kanë vjedhur disa bagëti në stanin e tij.
Njoftimi i policisë:
Menjëherë pas kallëzimit të shtetasit F. M., 66 vjeç, se gjatë natës, sapo një shtetas kishte hyrë për të vjedhur në kasollen në pronësi të tij, ai e kishte konstatuar dhe gjatë konfliktit me të, autori i tentativës për vjedhje e kishte qëlluar me armë gjahu, shërbimet e Komisariatit të Policisë Lushnjë kanë organizuar punën për kapjen e autorit.
Si rezultat i veprimeve të shpejta hetimore dhe policore, u identifikua dhe u kap autori i dyshuar i rastit, shtetasi D. D., 65 vjeç.
I dëmtuari, shtetasi F. M., ka marrë asistencë mjekësore dhe është jashtë rrezikut për jetën.
Materialet procedurale iu referuan Prokurorisë së Fierit, për veprime të mëtejshme.
Komente
