Lushnjë-Një 44-vjeçar nga Lushnja është vendosur në pranga pasi u kap në flagrancë duke shitur doza të lëndëve narkotike.
Autori i identifikuar si Artur Alla dyshohet se siguronte lëndë narkotike heroinë dhe kokainë, i ndante në doza në banesën e tij dhe i shiste në lagje të ndryshme, informoi sot policia.
Gjatë kontrollit fizik dhe kontrollit në banesën e tij uniformat blu gjetën sekuestruan doza heroine dhe kokaine në cilësinë e provës materiale.
Arrestimi u krye në kuadër të megaoperacionit të koduar "Tempulli".
Materialet procedurale i kaluan Prokurorisë, për veprime të mëtejshme, për veprën penale "Prodhimi dhe shitja e narkotikëve".
Komento
