Lushnjë-Një 43 vjeçar i cili gjatë natës së sotme (11 dhjetor 2024) vodhi një makinë dhe 2 arka kursimi në një market në fshatin Golem i Vogël ka rënë në prangat e policisë së Lushnjës.
Në banesën e Roland Bicos u gjetën paratë dhe produktet e grabitura nga marketi Tajar Balit.
43 vjeçari i dënuar më parë për veprën penale "Vjedhja", i ka transportuar në banesë me makinën të cilën po ashtu e vodhi.
"Nga veprimet e para hetimore dyshohet se shtetasi Roland Bico, banues në fshatin Golem i Vogël, ka dëmtuar dritaret e marketit në pronësi të shtetasit Tajar Bali dhe ka vjedhur aty, produkte të ndryshme ushqimore dhe 2 arka kursimi me para. Më pas, shtetasi Roland Bico ka vjedhur një automjet të parkuar pranë këtij marketi dhe ka transportuar me të, produktet e vjedhura, në banesën e tij.Në vijim të veprimeve, specialistët për Hetimin e Krimeve të Komisariatit të Policisë Lushnjë arrestuan shtetasin R. B., 43 vjeç, i dënuar më parë për veprën penale "Vjedhja", thuhet në njoftimin e policisë.
Ndërkohë vijojnë hetimet për të zbardhur vjedhje të tjera që mund të ketë kryer ky shtetas.
Materialet procedurale i kaluan Prokurorisë, për veprime të mëtejshme.
Komente
