Polica e Lushnjës, ka arrestuar ditën e sotme një drejtuesin një mjeti tip Volkswagen, me iniciale K. B rreth 50 vjeç, pasi ka përplasur disa mjete në ecje dhe të parkuara.
Ngjarja ka ndodhur në kryqëzimin e rrugës ‘Marin Barleti’ në afërsi të qendrës së qytetit.
Në gjendje të dehur ai është shoqëruar nga punonjësit e policisë, pasi edhe pse kishte dëmtuar disa mjete nuk pranonte të ndalonte dhe vazhdoi me manovra të rrezikshme të vinte në rrezik edhe kalimtarët.
Në vendin e ngjarjes kanë mbërritur me urgjencë policia e rendit që e ka shoqëruar pasi vazhdonte të kërcënonte me fjalë e gjeste drejtuesit e mjeteve dhe kalimtarët dhe policia e qarkullimit rrugor e cila e cila po dokumenton ngjarjen ku të paktën 4 mjete janë dëmtuar.
Kryqëzimi në këtë pikë në qytet është bërë shpesh herë shkak për aksidente ku sot fatmirësisht nuk kishte kalimtarë apo drejtues mjetesh të lënduar.
Komente
