Manchester City i Pep Guardiolës ndryshe nga çfarë pritej në javën e 19 të ‘Premier League’ ka koleksionuar një tjetër humbje, duke mos arritur të vendosë sadopak në vështirësi Liverpool-in e vendit të parë.
Në Molineux ‘qytetarët’ janë mposhtur me rezultatin 3-2 nga Wolves pavarësisht se në minutën e 50 me Stërlind morën avantazhin e dyfishtë. Në pjesën e mbetur të lojës rëndoi kartoni i kuq i marrë nga portieri Ederson në minutën e 12. ‘Ujqërit’ e kuptuan këtë dhe në fraksionin e dytë të lojës nisën ‘tërbimin’. Fillimisht Traore, më pas Jimenez dhe në fund Dohrty përmbyën rezultatin, duke e bërë Wolves-in skuadrën e vetme që mposht ekipin e Guardiolës në dy ndeshje të kampionatit brenda një sezoni.
Ky rezultat ka demoralizuar edhe Guardiolën i cili pas ndeshjes ka deklaruar se tani qëlllimi është kualifikimi në Champions League. Konkretisht spanjolli është shprehur: “Avantazhi i Liverpool është shumë i madh. Do të ishte jo-realistë të mendosh për vendin e parë pavarësisht se e di potencialin e ekipit tim. Tani qëllimi është të kalojmë Leicester, i cili renditet i dyti.
Nuk do ta lemë kampionatin pas dore dhe të fokusohemi te kompeticionet e tjera pasi rrezikojmë të mos kualifikohemi në Europë sezonine ardhshëm.”
Akualisht Liverpool udheheq më 14 pikë më shumë se Manchester City i vendit të tretë, por ‘the reds’ kanë edhe një ndeshje më shumë për të luajtur.
Komente
