Vllaznia vendosi të shkarkojë tre ditë më parë trajnerin Mirel Josa. Në vendin e tij presidenca shkodrane emëroi Auron Milotin, që deri pak ditë më parë mbante postin e drejtorit sportiv. Tanimë kuqeblutë janë bërë "Made in Shkodra", teksa do jenë vendalinjtë ata që do drejtojnë ekipin.
Me lëvizjet e reja në staf, drejtuesit i kanë besuar ish-futbollistit Ergi Borshi (27-vjeç) rolin e zëvendëstrajnerit. Si videoanalist është punësuar shkodrani Ardit Mani, teksa legjenda Vioresin Sinani do mbajë postin e drejtorit sportiv, duke lënë atë të ndihmësit të trajnerit.
Trajner i portierëve do vijojë të jetë Ideal Lekiqi, teksa "prodhimin bio" e prish Mihail Tzokov, bullgari që prej disa kohësh është përgatitësi atletik i ekipit. Duket se drejtuesit nuk do "peshkojnë" më larg rrethit, duke e bërë Vllazninë prodhim vendas, të paktën në staf.
Komente
Brravo shkodra. Me vë gjelit bajm kotecin.
Përgjigju