Dhjetëra protestues opozitarë dhe emigrantë venezuelianë kanë hasur rezistencën e ushtrisë pas vendimit të Maduros për mbylljen e kufirit me Kolumbinë. Për shkak të acarimit mes dy palëve, disa prej ushtarëve janë detyruar të lënë postet e tyre ndërsa disa të tjerë të dorëzohen para protestuesve të ndihmuar dhe nga opozita e Guaidos.
Pas ngërçit politik që ka kapur Venezuelën, Maduro mori vendimin e papritur për të mbyllur kufirin jo vetëm me Kolumbinë por dhe me Brazilin. Tensionet janë shfaqur pikërisht në zonën Urena, aty ku shumica e popullsisë detyrohet të emigrojë për në Kolumbi për të fituar jetesën.
Ndërkohë ka qenë pikërisht lëvizja në këtë zonë e cila ka bërë që presidenti i vetëshpallur të çojë ndihma drejt Urenas për të thyer rezistencën ushtarake të kufirit. Ndërkohë Maduro ka deklaruar pas mbylljes së kufirit, se vendimi u mor për shkak të ndihmave të cilat vinin nga jashtë për venezuelianët por të cilat i konsideron si provokime veçanërisht të SHBA-ve.
Protestat në Venezuelë vijojnë ndërkohë Nicolas Maduro ligjërisht mbetet president i vendit edhe pse shumë vende perëndimore me në krye SHBA, Kanada apo dhe BE kanë njohur Juan Guaidon si presidentin e ri të vendit.
Komente
