Receta

Makarona me mish të grirë dhe salcë të kuqe nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

9 Korrik, 11:42| Përditesimi: 9 Korrik, 11:45

  • Share

Makarona me mish të grirë dhe salcë të kuqe

Përbërësit:

  • 200 gr makarona
  • 300 gr mish i grirë viçi
  • 1 qepë
  • 2 speca të kuq
  • 150 ml ujë i makaronave
  • 1 lugë gjelle salcë domate (koncentrat)
  • Kripë, piper, erëza sipas dëshirës

Përgatitja:

Fillimisht vendosim makaronat të ziejnë në ujë të bollshëm me kripë sipas minutazhit të përcaktuar në paketim (ruajmë 150 ml nga uji i zierjes). Në një tigan të madh skuqim qepën e grirë imët derisa të zbutet. Shtojmë mishin e grirë dhe vijojmë me kaurdisjen derisa të marrë ngjyrë kafe. Shtojmë më pas specat e grira në kubikë dhe i gatuajmë për disa minuta. Në fund shtojmë koncentratin e domates, e përziejmë mirë duke shtuar rreth 150 ml ujë nga makaronat për të krijuar një salcë të trashë. Rregullojmë shijen me kripë, piper dhe erëza sipas dëshirës. Hedhim makaronat në salcën me ragu, i trazojmë për 1 minutë në zjarr që shijet të lidhen dhe i servirim menjëherë të ngrohta.

Këshilla nga Albana: Mund ta shërbesh me djathë të grirë sipër (si parmixhano) ose pak kos për freski.

MC/ReportTv.al
Komento

Komente

  • Sondazhi i ditës:

    Raporti i KE, si e vlerësoni punën e drejtësisë në Shqipëri?