Makarona në furrë
Përbërësit:
- 500 gr makarona
- 200 gr mish i grirë
- 100 gr kërpudha
- 1 qepë
- 1 thelpi hudhër
- 100 gr proshutë e tymosur
- 50 gr djathë parmixhano
- 50 gr djathë pekorino
- 1 gotë verë
- Vaj ulliri
- Kripë, piper
Përgatitja:
Fillimisht kaurdisim një qepë të grirë imët, më pas shtojmë mishin e grirë dhe e lëmë të ziejë në zjarr të fortë për rreth 20 minuta. Në një tigan tjetër, aromatizojmë pak vaj ulliri me një thelpi hudhër dhe kaurdisim kërpudhat e prera në feta.
Pasi mishi të ketë marrë një ngjyrë të mirë homogjene dhe të ketë përthithur të gjitha lëngjet, e shuajmë me pak verë. Makaronat i ziejmë aldente në ujë të bollshëm me kripë, i kullojmë dhe i vendosim në një enë me të gjithë përbërësit. I trazojmë mirë dhe i shtrojmë në një tavë. Sipërfaqen e pudrosim mirë me djathë të grirë dhe e vendosim në furrë të parangrohur për 8 minuta.
Komento
