FIER-Një person ka humbur jetën, pasi makina tip 'Ford Fiesta' të cilën drejtonte ka dalë nga rruga te Kthesa e Visokës nga rruga e vjetër e Ballshit duke përfunduar rreth 50 metra në humnerë dhe më pas në lumin Gjanica.
Viktima është Gramoz Isufaj 35-vjeç nga Plugu i Lushnjes. Aksidenti ka ndodhur rreth orës 10:45 minuta sipas policisë, ndërsa Isufaj ishte i vetëm në makinë. Kanë qenë banorët e zonës paraditen e sotme që kanë lajmëruar policinë, pasi konstatuan makinën në ujë.
Report Tv siguroi pamjet nga vendi i ngjarjes, kur efektivët e policisë së bashku me banorët e zonës nxjerrin makinën nga lumi Gjanica duke e tërhequr me litarë dhe shoferin pajetë. Në po të njëjtin vend, në vitin 2012 u aksidentua në një tjetër makinë dhe humbi jetën një efektiv policie.
VIDEO/Policia dhe banorët nxjerrin trupin e viktimës
Komente
