Dy makina janë përplasur me njëra-tjetrën mëngjesin e sotëm në aksin rrugor Levan- Tepelenë, në vendin e quajtur Varibop.
Si pasojë e përplasjes dy persona kanë mbetur të plagosur.
Të lënduarit janë transportuar drejt Spitalit Rajonal të Fierit dhe ndodhen jashtë rrezikut për jetën.
Ende nuk dihen shkaqet e aksidentit.
“Mëngjesin e sotëm, në aksin rrugor Levan-Tepelenë, në Varibob, automjeti me drejtues shtetasin E. L., 43 vjeç, banues në Berat është përplasur me automjetin me drejtues shtetasin J. L., 37 vjeç.
Si pasojë e përplasjes, janë dëmtuar të dy drejtuesit e automjeteve dhe ndodhen në Spitalin Rajonal Fier, në kujdesin e mjekëve”, informoi sot policia.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
Komente
