Shkodër- Një aksident i rëndë ka ndodhur mbrëmjen e sotme në Malësinë e Madhe.
Policia e Shkodrës bëri me dije se një 21-vjeçar ka humbur jetën, teksa udhëtonte me mjet në aksin Koplik-Dedaj, rreth orës 20:30.
Mësohet se viktima është Gjeto Gjonaj, 21 vjeç, banues në fshatin Reç.
“Duke drejtuar automjetin e tij, dyshohet se ka humbur kontrollin mbi drejtimin e automjetit dhe për pasojë ka dalë nga rruga. Si pasojë 21-vjeçari ka ndërruar jetë, gjatë rrugës për në spital”, bëri me dije policia vendore.
Gazetari i Report TV, Ergys Kavaja, informoi se grupi hetimor po punon për sqarimin e rrethanave të aksidentit.
Komento
Komente
