Malësi e Madhe- Një 27 vjeçar banues në fshatin Vukël të Malësisë së Madhe është arrestuar pasi tentoi t’i vidhte nën kërcënimin e armës së zjarrit bagëtitë e imta në kullotën e fshatit Nikç
Në pranga ra Gëzim Bracaj i cili ka qëlluar në ajër për të trembur pronarin e kullotës.
Policia ka gjetur dhe sekuestruar në cilësinë e provës materiale dhe armën e zjarrit kallashnikov që dyshohet se ky shtetas kishte qëlluar në ajër duke kërcënuar shtetasin V. N për t’i marrë bagëtitët e imta. Gjithashtu janë sekuestruar dhe një krehër me municion luftarak dhe një mjet prerës (thikë) dhe një gëzhojë.
Dosja i kaloi prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Komento
