Qindra qytetarë malazez protestuan natën e mbrëmshme kundër përdorimit të simboleve kombëtare serbe nga partitë opozitare javën e kaluar.
Qytetarët brohorisnin “Këtunuk është Serbi" dhe "Ne nuk e dhurojmë Malin e Zi".
Partia Demokratike e Socialistëve pro-Perëndimore (DPS), e udhëhequr nga Presidenti Milo Gjukanoviç, humbi zgjedhjet parlamentare javën e kaluar dhe për të parën herë ai nuk do të jetë në gjendje të formojë një qeveri.
Gjatë fushatës zgjedhore partitë e opozitës, përfshirë Frontin Demokratik pro-Serb, organizuan tubime duke tundur flamuj serbë dhe duke ngritur tre gishta, një gjest i njohur si përshëndetja serbe.
Fitorja e partive opozitare ka shtuar frikën se kjo do të nënkuptojë një ndryshim në politikën pro-perëndimore të Malit të Zi drejt aleatëve tradicionalë, Serbisë dhe Rusisë.
Mali i Zi mbetet thellësisht i ndarë për lidhjet e tij me Serbinë, ku shumë qytetarët mbrojnë lidhje më të ngushta me Beogradin dhe të tjerët që kundërshtojnë çdo lloj aleance pro-serbe.
Situatë e cila është përkeqësuar dukshëm muajt e fundit për shkak të miratimit të ligjit për Pronat e Kishës.
Komente
100% të hapen
Përgjigju