Banorët e fshatit Panagorë në Mallakastër këtë martë janë ngritur në protestë, shkak për këtë është bërë një tub i cili përcjell gazrat nga uzina e përpunimit të naftës për t’i djegur në atmosferë. Sipas banorëve tubi i gazit është tërësisht i amortizuar dhe në disa pjesë të tij është i çarë çka ka bërë që shpesh të rrezikohen jetët e banorëve.
Rasti më i fundit është Shyqyri Hoxhës i cili është helmuar nga gazi. Dërgimi në kohë në spital ka bërë që ai të shpëtojë. Banorët thonë se situata është më problematike prej kohësh e për këtë ata nuk po arrijnë as ti punojnë tokat e tyre.
Ndërkohë që drejtues të kompanisë që kanë marrë në përdorim uzinën e përpunimit kanë paralajmëruar banorët të mos dalin nga shtëpitë pasi fabrika është me defekt. Edhe pse banorët janë ankuar vazhdimisht, askush nuk ka marrë masa për përmirësimin e situatës pavarësisht se qytetar të kësaj zone se kanë filluar kanë të marrin pasojat direkte.
Komente
