Vrasja e Caruana Galizia, mijëra në rrugë kundër Muscat në Maltë, rrethohet Parlamenti
Në kryeqytetin e Maltës, Valleta, mijëra ishullorë kanë rrethuar Parlamentin duke kërkuar dorëheqjen e menjëhershme të qeverisë dhe kryeministrit Muscat.
Ata akuzojnë kreun e qeverisë dhe disa nga ministrat si të përfshirë në vrasjen e gazetares investigative Caruana Galizia, e vrarë në vitin 2017.
Ndërkohë, Malta po mbahet nën vëzhgimin e BE.
Një delegacion i Parlamentit Evropian ka mbërritur në ishull, i angazhuar në një mision urgjent për të ekzaminuar sundimin e ligjit.
Gazetarja dhe blogerja e pavarur, Caruana Galizia në kohën e vrasjes ishte duke punuar mbi një dosje korrupsioni.
Në momentin e ekzekutimit, makina që ajo kishte marrë me qera për të lëvizur shpërtheu dhe u mbulua nga flakët.
Ajo u gjet nga djali i saj Matthew që dëgjoi shpërthimin nga shtëpia e tyre.
Komente
