Në Spitalin Memorial të Fierit është realizuar ndërhyrja e vështirë në mëlçi. Lajmin e ka bërë të ditur ministrja e Shëndetësisë Ogerta Manastirliu, e cila ka publikuar edhe dita foto nga ndërhyrja.
Manastirliu shkruan se ky spital çdo ditë e më tepër po zgjeron shërbimet me standardet më të mira për qytetarët e jugut.
“Një ndërhyrje delikate dhe e vështirë në mëlçi, për heqjen e kisteve multiple hepatike nga ekinokoku, u realizua me sukses me laparoskopi, nga super ekipi turk dhe shqiptar në Spitalin Memorial të Fierit. Ndërhyrja u krye me sukses nën drejtimin e prof. dr. Bulent Cavit Yuksel. Spitali Memorial i Fierit çdo ditë e më tepër po zgjeron shërbimet me standardet më të mira për qytetarët e rajonit të Jugut”, shkruan Manastirliu në Facebook.
