Me fillimin e vaksinimit të të moshuarve në Shkodër, këtë të martë 424 qytetarë morën dozën e vaksinave antiCOVID. Prej tyre, 46 janë të moshuar dhe pjesëtarë të stafit që kujdeset për ta.
Këtë e ka bërë të ditur Ministrja e Shëndetësisë Ogerta Manastirliu nëpërmjet një postimi në Facebook.
Me hapjen e qendrës së vaksinimit në Shkodër sot janë vaksinuar edhe 126 mjekë dhe infermierë, ndërsa në Tiranë ka nisur vaksinimi i stafit mjekësor të spitaleve të Durrësi, Krujës, e Elbasanit.
Ndërkohë ditën e nesërme do të fillojë dhe vaksinimi i të moshuarve të qendrave sociale në Tiranë. Ditën e djeshme, Shqipëria mori 7020 doza vaksinash nga kompania Pfizer teksa pret dhe 8 mijë doza të tjera në javën e ardhshme. Gjithashtu kryeministri Rama deklaroi se është duke biseduar për të arritur një marrëveshje me një vend mik për marrjen e 360 mijë vaksinave nga kompania AstraZeneca.
Që prej nisjes së procesit të vaksinimit janë vaksinuar me dozën e parë 1090 personel shëndetësor dhe 611 mjekë dhe infermierë kanë marrë dy dozat e vaksinës. Deri tani janë kryer me dozën e parë dhe të dytë në total 1701 vaksina.
Postimi i Ogerta Manastirliut:
Mundimet dhe vuajtjet e një jete aspak të lehtë, nuk ia kanë zbehur buzëqeshjen dhe mirësinë nënë Rozës, 74-vjeçares që jeton në Shtëpinë e të Moshuarve Shkodër, e cila është sot më e mbrojtur nga COVID19, pas vaksinimit me dozën e parë, ashtu si 46 të moshuarit dhe personeli që çdo ditë kujdeset për ta në këtë shtëpi të madhe. Me nisjen e vaksinimit për stafet mjekësore, edhe në qendrën e dytë të vaksinimit të hapur në Shkodër, janë kryer vetëm gjatë ditës së sotme vaksina antiCOVID.
Komente
