Manchester City është kampion i Premier League për herë të dhjetë në histori dhe për herë të katërt radhazi. Futbolli elitar anglez vendosi titullin në javën e fundit, atë të 38-të e cila u luajt të diel në orën 17:00. "Qytetarët" dhe Arsenali ishin në garë deri në 90 minutat e fundit, teksa me "fotofinish" në fund Man. City dhe Pep Guardiola festuan në "Etihad" pasi mposhtën 3-1 West Hamin. Nga ana tjetër, Mikel Arteta edhe këtë sezon i shkon pranë titullit, por pa mundur ta shijojë, ndalur nga miku i tij, Guardiola. 20 vite ka Arsenal që nuk merr një trofe të Premier League.
Manchester City e mbyll me 91 pikë dhe shpallet kampion për të katërtin sezon radhazi, diçka unike të cilën askush nuk e kishte arritur deri më sot. Ky është titulli i 10-të i "Qytetarëve" në PL. Pep Guardiola fitoi trofeun e 17-të si trajner i Manchester City teksa ka edhe finalen e FA Cup për të luajtur. Arsenali ishte ndjekës deri në fund, por gabimi fatal ndaj Aston Villas i kushtoi rëndë. Djemtë e Artetas e mbyllin me 89 pikë kampionatin.
Ndërkohë në raundin e fundit të Premier League kishte edhe disa lamtumira. Për Thiago Silvën kjo ishte ndeshja e fundit me Chelsean, ndërsa Jugen Klopp i dha lamtumirën Liverpoolit pas nëntë vitesh me fitoren në shtëpi, lotët dhe këngët e tifozëve.
Sipas verdikteve në PL, City shpallet kampion, teksa së bashku me ta edhe Arsenal, Liverpool dhe Aston Villa do luajnë në Champions League. Ndërkohë, Tottenham dhe Chelsea kanë një vend në Europa League dhe Conference League. Në zonën e ftohtë Luton, Burnley dhe Sheffield United janë të rrëzuar nga Premier League angleze.
Sezonin e ri në Premier League bashkohen Leicester dhe Ipswich Town, ndërsa pritet edhe fituesi i Leeds United - Southampton. Sa i takon golashënuesve, Erling Haaland i Man. City shpallet "Këpuca e Artë" me 27 gola të shënuar, duke lënë pas Cole Palmer të Chelsea me 22 gola, Isak të Newcastle me 21, Foden, Solanke e Uatkins me 19 dhe Salah me 18 gola.
Thiago Silva përshëndet tifozët
Premier League, java e fundit (38) e sezonit 2023-24:
E diel, 19 maj 2024 - 17:00
Arsenal 2-1 Everton
Brentford 2-4 Newcastle
Brighton 0-2 Manchester United
Burnley 1-2 Nottingham
Chelsea 2-1 Bournemouth
Crystal Palace 5-0 Aston Villa
Liverpool 2-0 Wolves
Luton 2- 4 Fulham
Manchester City 3-1 West Ham
Sheffield United 0-3 Tottenham
Renditja:
Jurgen Klopp drejtoi sot për herë të fundit Liverpoolin, teksa të kuqtë fituan 2-0 në shtëpi kundër Ëolves për raundin e 38-të dhe të fundit të Premier Leagues për këtë sezon.
Pas nëntë vitesh trajneri do largohet nga "The Reds", teksa përshëndetja me tifozët ka qenë emocionuese. Veç saj, gjermani ka "zbuluar" edhe trajnerin e ri të të kuqve.
Holandezi Arne Slot do drejtojë Liverpool, teksa Klopp ka kënduar në kor emrin e tij para tifozëve. Ish-trajneri i Feyernoord e kishte konfirmuar më herët kalimin në "Anfield Road".
Wow, this is one of the most unique moments in football. Jurgen Klopp just started a cheer for ARNE SLOT, LA, LA, LA, LA,LA.pic.twitter.com/PtAbnpzmzK
— DaveOCKOP (@DaveOCKOP) May 19, 2024
"Manchester City has no fans" pic.twitter.com/85NkK76FyV
— ⚡️???????? (@Priceless_MCI) May 19, 2024
Manchester City është kampion i Premier League për herë të dhjetë në histori. "Qytetarët" të drejtuar nga Pep Guardiola shkruajnë kështu historinë në Angli, pasi janë e vetmja skuadër që ia kanë dalë të fitojnë katër herë radhazi titullin kampion.
Gara sportive deri në javën e fundit me Arsenal ka bërë që tifozët në "Etihad" të futen në fushë për të festuar këtë sukses të Man. Cityt. Festë Blu në Manchester, teksa United mbetet edhe jashtë Evropës.
