Berat- Shfaqja "Pixel City",me projeksionet e dritave mbi "një mbi një dritaret" e Mangalemit, të çon në një botë të pasur ngjyrash dhe ndjesish.
Magjisë dhe vezullimit të dritave shumëngjyrëshe që kanë mbuluar gjithë qytetin prej javësh i është shtuar mbrëmjen e djeshme edhe projektimi me mozaike mbi lagjen historike
Artistët vizuale që kanë realizuar magjinë e ndërthurrjes së ndriçimit dhe muzikës këtë vit janë: Lea Brugoli, Ari Dykner dhe Emil Petro.
Sipas këtij projektimi, çdo dritare e Mangalemit shpalos një derë që të çon në një botë të pasur ngjyrash dhe ndjesish.
Projektimi nga ajri "Mangalem shade" ka mrekulluar qytetarët por i ka dhënë njëkohësisht qytetit një pamje madhështore në këtë fundvit.
Ndriçimi me drita shumëngjyrëshe është realizuar edhe në dy urat mbi lumin “Osum”, Urën e Goricës dhe Urën e Varur, dritat e të cilave kanë reflektuar si një “ylber” mbi lumë.
Komente
