Partia më e madhe shqiptare në Maqedoninë e Veriut, pjesë e maxhorancës qeverisëse ka arritur marrëveshje me Partinë Demorkatike Shqiptare të Menduh Thaçit, për raundin e dytë të zgjedhjeve vendore që mbahet pas një jave.
Kandidatët e partisë së Ali Ahmetit, presin përkrahjen e votuesve të PDSH-së së Menduh Thaçit në komunat ku kandidatët e BDI-së shkojnë në balotazh, si në Tearcë, Tetovë, Bogovinë, Vrapçisht, Gostivar, Strugë, Çashkë, apo edhe në Çair.
Ndërkohë,pritet që edhe Studeniçani të drejtohet nga Azem Sadiku i Partisë Demokratike Shqiptare edhe gjatë 4 viteve të ardhshme. Marrëveshja sipas mediave të Maqedonisë së Veriut, është arritur mëngjesin e kësaj të diele.
Komento
