Kosova & Rajoni

Maqedonia e Veriut bën publik programin e vaksinimit, do të kryhet në tre faza

6 Shkurt 2021, 13:06| Përditesimi: 6 Shkurt 2021, 13:08

  • Share

Maqedonia e Veriut ka bërë sot publik planin e vaksinimit antiCOVID, ka deklaruar gjatë një konferncë për medien ministri i Shëndetsisë Venko Filipçe. Në deklaratën e tij ministri ka theksuar se vaksinat e para që priten të mbërrijnë në vend do të jenë ato kineze.  Ministri i Shëndetësisë , Venko Filipçe, në një konferencë për shtyp bëri të ditur planin e vaksinimit. Ai tha se vaksinimi do të kryhet në tre faza.

Në fazën e parë do të vaksinohen punonjësit shëndetësorë me rrezik të lartë dhe personat mbi 70 vjeç; në fazën e dytë punonjësit shëndetësorë me rrezik më të vogël, punonjësit në institucionet thelbësore , personat mbi 65 vjeç e më të rinj nëse kanë sëmundje shoqëruese dhe në fazën e tretë të gjithë të tjerët që duan të vaksinohen.

Qytetarët në rrezik duhet të vaksinohen në një numër të madh, në mënyrë që të arrihet imuniteti i tufës. Sistemi shëndetësor është i gatshëm të pranojë vaksinat dhe të zbatojë vaksinimin. Të gjitha vaksinat në treg janë të sigurta dhe kanë kaluar të gjitha fazat e testimit dhe studimeve. “Imunizimi është arma më e fortë në luftën kundër virusit, por të gjitha masat e tjera duhet të vazhdojnë të respektohen – maskë, distancë,” tha Filipçe

Ai tregoi se regjistrimi do të bëhet nëpërmjet sistemit “Termini  im” i cili regjistron të dhëna për moshën, praninë e mundshme të sëmundjeve kronike.

Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?