Në Maqedoninë e Veriut ditën e sotme ka nisur vaksinimi masiv kundër koronavirusit. Imunizimi ka nisur me 24 mijë dozat e vaksinës AstraZeneca, të cilat arritën në Shkup përmes programit COVAX.
Të drejtën e vaksinimit në këtë fazë e kanë personat mbi moshën 77 vjeç, të cilët për orarin e vaksinimit po njoftohet përmes mjekut familjar.
I pari që ka marrë vaksinën ditën e sotme ishte 85-vjeçari Sotir Keleshovski, I cili kishte një mesazh për të gjithë qytetarët, “duhet të vaksinohemi të gjithë dhe jo të kemi frikë nga vaksina”, tha ai pas vaksinimit.
Me dozat e mbërritura nga AstraZeneca, Ministria e Shëndetësisë theksoi se do të vaksinohen vetëm personat të moshës mbi 60 vjeç.
Zyrtarët shëndetësorë kanë njoftuar se 76,000 doza shtesë të vaksinës COVID-19 do të mbërrijnë deri në fund të prillit. Në Maqedoninë e Veriut, paraprakisht janë vaksinuar mbi shtatë mijë punonjës shëndetësorë me vaksinën ruse Sputnik V.
Komente
