Në Maqedoninë në 24 orët e fundit janë regjistruar 4 viktima dhe 198 raste të reja infeksioni Covid.
Sipas autoriteteve numri i përgjithshëm i të identifikuarve pozitiv me Covid-19 është rritur në 8530, prej të cilëve janë shëruar 4565, kurse ata që kanë humbur jetën nga infeksioni që prej fillimit të pandemisë janë 393 pacientë.
Sipas raportimeve, viktimat e sotme ishin të moshës 49, 61, 70 dhe 72 vjeçe.
Dy viktima janë nga Prilepi, një nga Shkupi dhe një nga Tetova.
Instituti i Shëndetit Publik në Maqedoni tha se brenda 24 orëve të fundit ka patur edhe 97 pacientë të shëruar.
Në mes kësaj situate të rënduar pandemie, sot Maqedonia e Veriut po zhvillon edhe zgjedhjet e përgjithshme parlamentare.
Të hënën dhe të martën kanë votuar personat e prekur nga COVID-19, personat në izolim, si dhe të burgosurit.
Autoritetet shëndetësore kanë garantuar një proces të sigurt për të gjithë për sa i përket kushteve shëndetësore, si për anëtarët e komisioneve ashtu edhe për votuesit, ndonëse shifrat e të prekurve dhe të viktimave nga koronavirusi nuk kanë shënuar rënie që prej disa javësh.
Komente
