Roma është duke menduar të shkëmbejë mbrojtësin Marash Kumbulla me mesfushorin e Torinos, Sasa Lukic. Verdhekuqtë kanë nevojë për një mesfushor shtesë, me merkaton e janarit që po afrohet. Gjatë javëve të fundit, klubi kryeqytetas ka zhvilluar bisedime me agjentët e lojtarit serb, ndërsa Lukic vazhdon të kërkojë një largim nga Torino pas mosmarrëveshjes me drejtuesit e klubit.
Sipas Sportitalia, dy klubet janë ende në kontakt dhe po shqyrtojnë një marrëveshje të mundshme shkëmbimi që përfshin Lukic dhe mbrojtësin shqiptar të Romës, Marash Kumbulla. 22 vjeçari i Kombëtares është përzgjedhur nga trajneri i Torinos, Ivan Juric, i cili e ka trajnuar Kumbullën gjatë periudhës kur të dy ishin te Verona.
Komento
