Cristiano Ronaldo dhe Sergio Ramos mund të luajnë në të njëjtin ekip, sërish. Marca në Spanjë bën me dije se Al-Nassr në Arabinë Saudite e ka gati planin që veç kapitenit të Portugalisë të paraqesë ofertën për mbrojtësin e PSG-së. 36-vjeçari e ka fituar vendin e titullarit në Paris dhe dje ishte në fushë në fitoren e siguruar në kampionat, por vera që vjen mund ta gjejë Ramos në një ekip të ri.
Në Arabinë Saudite bëjnë me dije se presidenti i klubit dhe drejtori sportiv i Al-Nassr kanë në plan që të udhëtojnë drejt Parisit për të paraqitur ofertën në drejtim Sergio Ramos.
Prioritet për momentin është nënshkrimi me Ronaldon, teksa klubi saudit do merrte vëmendjen e duhur publicitare nga portugezi. "Kohët e fundit, një person i besuar nga Cristiano Ronaldo , i cili nuk ishte Jorge Mendes , ishte në Riad duke përshkruar detajet e gjithçkaje që do të sillte prania e CR7 në Arabinë Saudite", bën me dije Marca. Kujtojmë se Ramos dhe Ronaldo kanë qenë pjesë e Real Madrid dhe për shumë vite kanë fituar gjithçka me 'Galaktikët'.
