Policia e Durrësit në vijim të punës për kapjen e personave në kërkim, ka vënë në pranga 2 persona për vepra të ndryshme penale.
I dënuar në vitin 2019 me 3 vjet, 7 muaj e 28 ditë burgim për veprën penale "Marrëdhënie seksuale me të mitur", policia arriti të arrestonte 20-vjeçarin Klendi Xhura i cili ishte shpallur në kërkim.
Policia e Durrësit ka arrestuar 37-vjeçarin I.M në kërkim, pasi Gjykata e ka dënuar me burg për " për veprat penale "Dhuna në familje" dhe "Veprime në kundërshtim me vendimet e gjykatës".
Policia e Durrësit ka proceduar penalisht 20-vjeçarin. H.K, pasi ka tentuar t’i japë punonjësit të Policisë, 2.000 lekë, me qëllim shmangien e masës administrative për parkim të gabuar.
Materialet i kaluan Prokurorisë së Rrethit Gjyqësor Durrës, për veprime të mëtejshme.
