SHËNGJIN- Anija “Libra” e marinës italiane, me 8 emigrantë në bord; 6 nga Egjipti dhe 2 nga Bangladeshi zbarkoi rreth orës 8:00 të së premten së 8 nëntorit në Portin e Shëngjinit.
Pas procedurave brenda anijes, në orën 09:00, emigrantët zbritën grupe-grupe dhe u vendosën në qendren pritëse brenda portit të Shëngjinit. Aty kryhet identifikimi dhe kontrolli shëndetësor e më pas me autobus emigrantët dërgohen në kampit e Gjadrit. Operacioni zhvillua nën masa të sigurie, të karabinierëve italianë dhe policisë shqiptare.
Në bordin e anijes Libra mund të udhëtojnë deri në dyqind persona dhe ky ishte objektivi i shpallur i qeverisë italiane kur filloi operacioni. Por në praktikë, vetëm pak emigrantë mund të kalojnë nëpër procedurat e përshpejtuara të kufirit, të cilat janë kusht për hyrjen në qendrën pritesë të Shqipërisë.
Grupi i parë i emigrantëve të cilët mbërritën më 16 tetor qëndruan vetëm tre ditë në Shqipëri, pasi Gjykata e Romës detyroi Italinë të kthejë mbrapsht kontigjentin e azilkërkuesve sepse nuk vinin nga vende të sigurta.
Për të zgjidhur ngërçin, më 21 tetor kryeministrja Giorgia Meloni nxori një dekret ku përditësonte listën e vendeve të sigurta. Dekreti synon të heqë përfundimisht barrierat për zbatimin e marrëveshjes Rama-Meloni për strehimin në Gjadër të emigrantëve azilkërkues.
Report Tv sjell pamjet kur zbresin në portin e Shëngjinit 8 emigrantët që erdhën mëngjesin e sotëm me anijen ‘Libra’.
Nën masa të rrepta sigurie ata u vendosën në qendrën pritëse ku do te qëndrojnë për disa orë dhe më pas do të transferohen në kampin e Gjadrit.
Anija ‘Libra’ që solli 8 emigrantë të tjerë është ankoruar në Portin e Shëngjinit. Report Tv sjell pamje nga mimenti kur anija ankorohet në port.
8 emigrantët do të vendosen në qendrën pritëse në Shëngjin, ku do t’iu nënshtrohen procedurave të verifikimit dhe kontrollit shëndetësor dhe më pas do të transferohen në kampin e Gjadrit.
Komente
U mbars Mali dhe polli nje Mi. Plot 8 emigrante ????????
PërgjigjuQekan shume emigrante. Yhhyyy 8 veta! Cfar karagjozesh jane Meloni dhe Rama! Po kaq emigrante i mbaj une ne bodrum po te doni! Edhe i punesoj se na duhen se po ikin punetoret nga qeverisja e ketij gomari.
Përgjigjunuk e kuptoj ksenofobine e gjykatave te romes nga shqiperise thua se nje vend kandidat ne be nuk i ploteson kriteret te jete vend i sigurte vetem pse ne ballkon shohin nongraten
PërgjigjuShqiperia eshte me e sicuro se Italia .ata qe vine ne shqiperi do te kthehen ne vendetta e tyre , ashtu si Italia kthen shqiptaret e pa deshiruar ne Shqiperi .