Kryeministri Edi Rama ka uruar Erdogan për rolin e tij vendimtar lidhur me zgjatjen me dy muaj të marrëveshjes së drithit nga Ukraina. Rama shkruan se sigurimi i një furnizimi pa ndërprerje të drithërave në tregje botërore është me rëndësi kritike për të garantuar siguri ushqimore në mbarë botën.
“E mirëpres rinovimin e Iniciativës së grurit të Detit të Zi edhe për dy muaj të tjerë. Unë përsëris urimet e mia për @RTerdogan për rolin e tij vendimtar. Sigurimi i një furnizimi të pandërprerë jetik të drithërave në tregjet botërore është me rëndësi kritike për sigurimin e sigurisë ushqimore në mbarë botën.”- shkroi Rama.
Presidenti i Turqisë, Erdogan, bëri dje me dije se nisma për drithërat në Detin e Zi është zgjatur me dy muaj të tjerë. Ai u shpreh se marrëveshja u zgjat edhe dy muaj falë përpjekjes së Turqisë dhe me kontributin e ukrainasve. Kjo u arrit 2 ditë para se të skadonte marrëveshja.
Turqia arriti të negocionte në mënyrë që Rusia të mos bllokonte largimin e anijeve nga dy porte ukrainase. Për këtë, Erdogan tha se shpreson që marrëveshja të sjellë përfitim për të dyja palët.
Komente
Shpresoj qe gjithmone te keni marredhenie te mira me Ukrainen
PërgjigjuShume vendim i mire ky per te gjithe
PërgjigjuNje nga vendimet me te mira
PërgjigjuVendim shume i mire
PërgjigjuNdihme e madhe per to
Përgjigju