‘Së bashku me Shqipërinë e cila është një vend mik aleat në NATO, por edhe një vend që së shpejti do të jetë në Bashkimin Evropian, synojmë të bëjmë një betejë të përbashkët kundër trafikimit të qenieve njerëzore’.
Kështu tha ministri i Jashtëm italian, Antonio Tajani, në Pallagorio, në provincën e Crotone, ku mori pjesë në manifestimin për kremtimin e 100-vjetorit të vdekjes së intelektualit Anselmo Lorecchio, ku ishte i pranishëm edhe Presidenti i Republikës së Shqipërisë, Bajram Begaj.
“Është një projekt shumë i rëndësishëm – shtoi Tajani në përgjigje të një pyetjeje mbi marrëveshjen që parashikon krijimin e qendrave për emigrantët në Shqipëri – të cilat do të shërbejnë për veprime të përbashkëta kundër trafikantëve të qenieve njerëzore. Ne duam të presim emigrantë të rregullt në Itali.
Ka një dekret të fluksit që parashikon rreth gjysmë milioni emigrantësh të rregullt, por ne duhet të luftojmë trafikantët e qenieve njerëzore që shfrytëzojnë njerëzit duke thënë se në Evropë ata do të gjejnë parajsën në tokë kur nuk është kështu.
Ne synojmë të luftojmë në këtë betejë të përbashkët sepse trafikantët e qenieve njerëzore, trafikantët e drogës, trafikantët e armëve dhe ata që trafikonin edhe cigare janë gjithmonë të njëjtët. Organizata kriminale që duhen luftuar dhe mposhtur me bashkëpunim ndërkombëtar. Bashkëpunimi Shqipëri-Itali shkon pikërisht në këtë drejtim” – tha Tajani sipas Ansa.
Komente
Beteje e perbashket! Te njejtet emigrante qe juve ju vijne nga deti, neve na vine nga toka,por ama ne s'kemi kerkuar te ngreme kampe tek ju,juve pse doni t'i ngrini tek ne, kur keni trefishin e territorit tone dhe jeni pjese e ekonomive me te pasura ne bote,apo keshtu e kerkoka /solidariteti ne emer te luftes se perbashket/?! Ju skilet plaka te politikes lulezoni kur ne anen tjeter te tavolines keni Pyka e Kryepyka qe ju bejne fresk,por nuk jane te gjithe keshtu z.Tajani.
Përgjigju