Arrihet marrëveshje historike mes Izraelit dhe Emiratet e Bashkuara Arabe. Lajmi është dhënë nga Presidenti amerikan Donald Trump i cili ka shpërndarë marrëveshjen e arritur mes tij, kryeministri izraelit Benjamin Netanyahu dhe Princi i Kurorës së Abu Dhabi Mohammed bin Zayed, duke e theksuar se kjo ishte një marrëveshje historike e cila do të rrisë paqen në rajonin e Lindjes së Mesme.
Si rezultat, Izraeli do të pezullojë planet e tij për aneksimin e pjesëve të mëdha të Bregut Perëndimor. Kjo marrëveshje dëshmon edhe fillimin e marrëdhënieve diplomatike të Izraelit me vendet arabe të Gjirit. Në përgjigje të njoftimit të Presidentit Trump, ka reaguar edhe kryeministri izraelit Benjamin Netanyahu i cili e ka quajtur këtë ditë si një ditë historike.
Ndërkohë që Ambasadori i Emirateve të Bashkuara Arabe në SHBA, Yousef Al Otaiba tha se kjo ishte "një fitore për diplomacinë dhe për rajonin". Kjo marrëveshje është e –treta marrëveshje paqe e izraelit me një vend arab, që nga shpallja e pavarësisë së Izraelit në 1948., e para u nënshkrua me Egjiptin në 1979dhe me Jordanin në 1994.
Komente
