Pas refuzimit të parlamentit britanik për të votuar marrëveshjen e Brex-it të Kryeministres Theresa May, President i Këshillit Europian Donald Tusk u ka sugjeruar së fundi ligjsvënësve në Mbretërinë e Bashkuar të anullojnë vendimin e vendit për të lënë Bashkimin Europian, duke deklaruar se kjo është zgjidhja e vetme pozitive e mbetur në tryezë.
Komentet e tij, vijnë pak orë pas një humbjeje historike për Kryeministren e Britanisë së Madhe Theresa May, ku deputetët e parlamentit britanik e hodhën poshtë marrëveshjen për Brexit-in, me një diferencë dërrmuese votash , 432 kundër me 202 pro, duke shkaktuar trazira politike, që mund të çojnë në një dalje të Britanisë pa marrëveshje nga BE-ja.
Miratimi i të ashtuquajturës 'Marrëveshje për tërheqje' është parë deri më sot si thelbësore mënyra më e mirë dhe e vetme për të siguruar një tërheqje të rregullt të Mbretërisë së Bashkuar nga Blloku europian. Ndërkohë , refuzimi i madh në Westminster duket se rrit mundësinë që ky skenar të ndodhë.
“Nëse një marrëveshje është e pamundur dhe askush nuk dëshiron një marrëveshje, atëherë kush do të ketë guximin të thotë se cila është zgjidhja e vetme pozitive?”, shkroi Tusk në faqen e rrjetit social mbrëmjen e së martës duke sugjeruar se rezultati i vetëm në dispozicion për të kapërcyer bllokimin në Dhomën e Komuneve është të ndalohet Brexit.
Ndërkaq, aleatët evropianë gjithashtu në një takim me presidentin e Komisionit Europian Jean Claude Juncker deklaruan se marrëveshja e refuzuar ishte më e mira dhe një "kompromis i drejtë", transmeton CNBC.
Britanikët pritet të votojnë më 23 qershor rreth asaj nëse vendi i tyre duhet të qëndroj apo të dal nga BE, ndërsa një sondazh i publikuar sot thotë se 53 % e tyre janë që Britania të dal nga BE.
Komente
