Është shtyrë sërish seanca në GJKKO për ish-ministrin e Mbrojtjes Fatmir Mediu lidhur me tragjedinë e Gërdecit.
Shkak u bë mungesa e dy avokatëve mbrojtës të Mediut, Ardian Visha dhe Henrik Ligori - për shkak të angazhimeve te tjera. Në seancë mungoi edhe vetë Fatmir Mediu.
Avokati i viktimave Dorjan Matlia kërkoi të merren masa që seancat mos të shtyhen më.
Seanca e radhës do të mbahet më 24 shtator ora 14:00.
Mediu akuzohet për shpërdorim detyre, pasi sipas SPAK, janë shkelur procedurat e ngritjes së fabrikës së demontimit në Gërdec, pranë një zone të banuar si dhe ato të municioneve.
Mediu i ka kundërshtuar akuzat e ngritura dhe gjithashtu gjetjet e ekspertëve. Gjyqi ndaj tij vijon që prej prillit 2023. Rihapja e çështjes u vu në lëvizje pas 12 vitesh me iniciativën e familjes Durda, një prej viktimave të shpërthimit në 15 mars 2008, në ambientet e ish “Brigadës së Tankeve”, ku humbën jetën 26 persona dhe qindra të tjerë u plagosën.
Komente
Ej çfar flliqsire shtet ka Shqipria prandaj bēn çef krimineli evgjit Fatmir Mut Mediu.
Përgjigju