TIRANË- Qytetarë nga Greqia dhe Italia kanë rënë pre e mashtrimeve përmes një Call center-i në Tiranë, të cilët mashtroheshin që të investonin para në bursa. Gjashtë persona kanë rënë në pranga, mes tyre përgjegjësi dhe shefja e personelit, ndërsa është shpallur në kërkim administratori i Call Center-it në Selitë të Tiranës, Julian Markaj.
Gjatë operacionit, në ambientet e këtij subjekti, Policia ka gjetur 53 operatorë të cilët mashtronin shtetasit e huaja që të investonin në bursa. Operatorët i kontaktonin në telefonin dhe i bindnin grekët dhe italianët që të investonin para duke iu premtuar se do të fitonin shuma të mëdha parash, të cilat më pas nuk i merrnin më.
Në kuadër të operacionit ‘Selita Center’ janë sekuestruar, 101 kompjuterë, 2 laptopë, 1 DVR dhe 10 celularë, që u gjetën në ambientet e call center-it.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprat penale “Mashtrimi kompjuterik”, “Punësimi i paligjshëm”, “Fshehja e të ardhurave”, “Mospagimi i taksave dhe tatimeve” dhe “Pastrimi i produkteve të veprës penale ose veprimtarisë kriminale”.
Të arrestuar
Ermion Markaj, 35 vjeç, përgjegjës i firmës, banues në Tiranë
Patricja Radovani, 29 vjeçe, shefe e personelit të firmës, banues në Tiranë
Donald Toma, 27 vjeç, banues në Tiranë
Areteo Butsi, 36 vjeç, banues në Tiranë
Emanuele Jaho, 29 vjeç, banues në Vlorë
Fiodor Ziu, 34 vjeç, banues në Vlorë
Komente
Po ne Shkoder pse nuk i ndalojnë?
PërgjigjuSka ala shtet aty or teeeejjjjj
Po qe Julisi eshte lidhje e saje qorrit edhe mga gruaja edhe nga vjerria
PërgjigjuUNE NJE GJE NUK KUPTOJ SE KUR KY LLOJ BIZNESI ESHTE ME KRIM EKONOMIK BRENDA PERSE E LEJOJNE TA BEJNE?...APO KUSH KAPET KAPET
PërgjigjuPo ne ku do hame? Marrim ndonje 5-10 fish rruge mujore nga cdo call center. Hane dhe ata lart