Ky Shën Valentin ka ardhur ndryshe për Shqipëri, pasi jo vetëm që natyra ka ofruar një pamje mahnitëse e mbuluar nga qilimi i dëborës, por jemi edhe në pandemi. Për të sjellë emocion por edhe gëzim mes të dashuruarve, poeti kuksian Riza Vata u ka kushtuar të gjithë të dashuruarve një poezi, mes të cilave përmendet edhe pandemia që nuk duhet të pengojë këtë ndjenjë sublime.
Poezia e Riza Vatës
O i shtrenjti Valentin kaq ka vite gjallë në kujtesë
Për të madhen dashurinë, që e ruajtën nën velenxë
Hoqe shpejt veladonin, djalë e vajzë t'u fjet në lëndinë
Të dy lulet që dashuronin, i mbulove mos mërdhinë
14 shkurti dhe tek ne ka filluar të festohet, natyrshëm për moshën e re
Po diçka të mos harrohet mosha e re le të dashurohet
Se vetë zoti e ka dhënë, asnjëherë të mos abuzohet, shenjtërinë me shkel me këmbë
S'ka njeri që s'ka dashuruar në moshën e rinisë
Por s'kemi dit për ta festuar bashkërisht me njerëzit e shtëpisë
Kohet e reja do na mësojnë, ndonëse pak me vonesë
Këtë ditë ta festojmë dhe e shenjtë ajo të mbesë
Sivjet jemi në pandemi, maskat në gojë s'do na pengojnë
Që ta shprehim këtë dashuri, telefonat le të cicërojnë
Dhe lokalet edhe baret mbyllen në orën 20:00
Por rinia do i zgjidhë hallet bashkë me të dashurën që e pret
E kjo festë të marr kuptim, të ndërhyjë edhe shteti,
Kur ka mundësi edhe shpërblim, dashurinë e ndihmon xhepi
