DIBËR - Policia e Matit ka finalizuar me sukses një operacion të koduar "Burgajeti," që synonte parandalimin dhe goditjen e armëmbajtjes pa leje. Në këtë operacion u arrestua në flagrancë shtetasi Rrahman Murra, 59 vjeç, banues në fshatin Burgajet, pasi në banesën e tij u gjetën një armë zjarri kallashnikov dhe 813 fishekë luftarak.
Operacioni u bazua në informacionet e siguruara nga inteligjenca policore dhe shërbimet operative të Komisariatit të Policisë Mat. Armët dhe municionet u sekuestruan si prova materiale, ndërsa i arrestuari do të përballet me akuzën për "Mbajtjen pa leje dhe prodhimin e armëve, armëve shpërthyese dhe municionit."
'Si rezultat i operacionit, u bë arrestimi në flagrancë i shtetasit Rr. M., 59 vjeç, banues në fshatin Burgajet, pasi shërbimet e Policisë gjetën të fshehura në banesën e tij, një armë zjarri kallashnikov dhe 813 fishekë luftarak, të cilat u sekuestruan në cilësinë e provës materiale.', njofton policia.
Materialet procedurale janë referuar Prokurorisë pranë Gjykatës së Shkallës së Parë Dibër për vijimin e hetimeve. Ky operacion nënvizon përkushtimin e Policisë së Shtetit për të luftuar veprimtaritë kriminale dhe për të garantuar sigurinë e qytetarëve.
Komente
