Policia e Matit ka zbardhur ditën e sotme ngjarjen dhe ka identifikuar 2 autorët që vodhën një shumë parash në një farmaci.
Sipas policisë, farmacistja 25- vjeçare me inicialet A.B., ka bërë një kallëzim në polici se gjatë kohës që ajo nuk ishte në farmaci, të cilën e kishte lënë të hapur, i kanë vjedhur paratë e xhiros ditore.
Si rezultat i hetimeve të kryera nga grupi hetimor, u bë e mundur zbardhja e ngjarjes dhe identifikimi i autorëve të dyshuar që ishin dy shtetas të mitur, të cilët janë vëllezër.
“Për shkak të moshës së mitur dhe konsultimit më Prokurorin, personat e dyshuar nuk janë marrë nën përgjegjësi penale”, njoftoi policia.
Materialet iu referuan Prokurorisë pranë Gjykatës së Shkallës së Parë të Juridiksionit të Përgjithshëm, Dibër.
