MAT - Mëngjesin e sotëm (6 janar 2025), rreth orës 10:50, në lagjen "Pjetër Budi" të Matit, është konstatuar një pako e dyshuar me lëndë plasëse poshtë një automjeti të parkuar, në pronësi të shtetasit Edmond Pasha.
Menjëherë forcat xhenjere të ardhura nga Tirana kanë shkuar në vendngjarje dhe kanë bërë verifikimet e mundshme, raporton gazetari Mahir Jangulli.. Pas disa orëve u bë e mundur heqja e pakos. Pritet që tashmë të verifkohet se çfarë ishte kjo lëndë plasëse teksa dyshimet janë për lëndë plasëse
Ndërkohë, grupi hetimor, nën drejtimin e Prokurorisë, po punon për zbardhjen e plotë të ngjarjes dhe identifikimin e autorëve të mundshëm. Hetimet janë në vijim.
'Me datë 06.01.2025, rreth orës 10.50, në lagjen "Pjetër Budi", poshtë automjetit të parkuar në pronësi të shtetasit E.P., ështe konstatuar një pako, e dyshuar me lëndë plasëse.
Ndërkohë grupi hetimor nën drejtimin e Prokurorisë po punon për zbardhjen e ngjarjes, identifikimin dhe kapjen e autorëve.', njofton policia.
Komente
