Medikamentet mjekësore të kontrabanduara që mbanin në farmaci kanë vënë në pranga administratorin dhe farmacisten në Tiranë.
Në kuadër të operacionit policor të koduar "Medicaments", u arrestuan në flagrancë: Ermir Haxhiaj, 44 vjeç, administrator farmacisë dhe Geriana Bendaj, 27 vjeçe, me profesion farmaciste. Ata akuzohen për veprat penale "Kontrabanda me mallra të tjerë", "Tregtimi dhe transportimi i mallrave që janë kontrabandë", "Ruajtja apo depozitimi i mallrave që janë kontrabandë" dhe "Shkelja e të drejtave të pronësisë industriale.
Gjatë kontrollit të ushtruar në farmacinë në administrim të Haxhiajt dhe me farmaciste Geriana Bendaj, shërbimet e Policisë gjetën dhe sekuestruan në cilësinë e provës materiale, sasi të konsiderueshme medikamentesh mjekësore, pa pullë fiskale nga Agjencia Kombëtare e Barnave dhe Pajisjeve Mjekësore.
Materialet i kaluan Prokurorisë, për veprime të mëtejshme procedurale.
Komente
Frida do leke e pushtet! I blen të tera pervec disa e qe sja kane nevojen????????
Përgjigju