Presidenti Ilir Meta ka pritur në takimin e lamtumirës Ambasadoren gjermane Susanne Schütz. Schütz ka përfunduar mandatin si ambasadorja e Gjermanisë në Shqipëri dhe në këtë takim, Meta ka vlerësuar punën e saj. Siç shkruan kreu i qeverisë në rrjetin e tij social në Facebook, Meta thekson se bashkëpunimi Shqipëri-Gjermani do të vijojë, duke e cilësuar si një shtet mik i vendit tonë.
"Sot prita në takimin e lamtumirës Ambasadoren gjermane Susanne Schütz, e cila mbaron mandatin e saj në Shqipëri. Tek Gjermania mike dhe partnere strategjike e Shqipërisë do vijojmë të mbështetemi me besim dhe bashkëpunim gjithnjë e më të afërt. Mirëpres angazhimin e sinqertë dhe vendimtar të Bundestagut për të ndihmuar në rrugën drejt çeljes së negociatave të anëtarësimit të Shqipërisë me Bashkimin Europian dhe për përparimin e vendit drejt standardeve demokratike europiane", shkruan Meta.
Më herët, Schütz ka takuar edhe kreun e Kuvendit, Gramoz Ruçin.
Postimi i presidentit Ilir Meta
Komente
