Duke filluar nga data 4 korrik, çdo të merkurë, pra katër herë në muaj urgjencat kirurgjikale do të përballohen nga Spitali Universitar "Shefqet Ndroqi", i cili tashmë është gati për pritjen e të gjitha urgjencave kirurgjikale. Për këtë janë marrë të gjitha masat për numrin e sallave të operacionit, praninë e të gjithë specialistëve si kirurg, anestezist, instrumentist dhe staf mbështetës.
Sipas Ministrisë së Shëndetësisë, ky lloj organizimi është i domosdoshëm jo vetëm për shpërndarjen e ngarkesës së punës në të gjitha spitalet universitare, por edhe për ofrimin e një shërbimi sa më cilësor për pacientët. Skënder Brataj, drejtori i Urgjencës Kombëtare, i bëri thirrje qytetarëve t'i drejtohen urgjencës kombëtare për çdo shërbim urgjence, duke telefonuar 127.
Sipas Ministrisë së Shëndetësisë, muk do të referohen ne urgjencen kirurgjikale në Sanatorium rastet e sjella me Helikopter, Djegje plastika, Obsetrikë-gjinekologjia si dhe Trauma.
Spitali i Sanatoriumit në Sauk
Shëndeti
Prej 4 korrikut urgjencat kirurgjikale, një ditë në javë te spitali 'Shefqet Ndroqi'
1 Korrik 2018, 20:22| Përditesimi: 1 Korrik 2018, 22:09
