Partia Demokratike ka gati dokumentin politik, që parashikon ndryshimet statutore, që në mënyrë përfundimtare do të miratohen në mbledhjen e Kuvendit Kombëtar të PD në datat 28 dhe 29 prill. Në mbledhjen e kësaj të shtune të Kryesisë, morën pjesë edhe kritikët e Lulzim Bashës, Arben Imami dhe Gent Malko.
Në dokumentin politik, parashikohet përfshirja e anëtarësisë në përzgjedhjen e kandidatëve, ndërsa Zoti Imami ka kërkuar rregulla të sakta sa i përket dorëheqjes së kryetarit në rast se humbet zgjedhjet. Ashtu sikundër në mbledhjen e kaluar të Kryesisë, Imami doli i pari, duke dhënë edhe prononcimin për mediat. Grupi i punës për statutin e ri ka pranuar propozimet e Anëtarit të Kryesisë, Gent Malko dhe ato të anëtarëve të Këshillit Kombëtarë të PD, Edith Harxhi dhe Edvin Kulluri, propozime që u mbështetën dhe nga Arben Imami.
Ndërkaq, në dokumentin politik të PD për ndryshimet në statut, parashikohet krijimi i disa organeve shtesë. Një vëmendje të veçantë i është dhënë bordit të kontrollit të financimit të PD, çështje e cila është ngritur në mbledhje nga Arben Imami. Po ashtu, dokumenti parashikon krijimin e Komisionit të Apelimit dhe Komiteti i Seleksionimit të Kandidaturave. Pra, do miratojë ndryshimet e statutit. Ndërsa Arben Imami, ish ministri i mbrojtjes gjatë mbledhjes theksoi:
Duhet të vendoset zgjedhja e një kryetari për Këshillin Kombëtar, kjo e bën Këshillin autonom.
Arben Imami
Grupi i punës i përbërë nga nënkryetarët, sekretari i përgjithshëm, sekretari organizativ, sekretari burimeve njerzore dhe anëtari i kryesisë, Malko. Ndërkohë, Sekretari i pergjithshem i PD, Arben Ristani, prezantoi para kryesisë dokumentin me rekomandime për ndryshime statutore.
PDF/Dokumenti Politik i Grupit te Punes per Statutin e PD
Ja ndryshimet statutore brenda PD
Rekomandimet per ndryshime statutore, qe po diskutohen ne kryesine e Partise Demokratike.
Procesi eshte udhehequr nga dy parime:
• Sigurimi i hapesirave dhe garancive demokratike ne parti
• Perfshirja ne vendimarrje e anetaresise.
Burimet per rekomandimet e ndryshimit te statusit vijne nga:
• Propozimet e dala gjate analizes
• Praktika e partive simotra ne Gjermani dhe Britani
• Propozimet e dy flukseve te ndryshme, që kane paraqitur platfome politike dhe draft statut krejt te ri
• Propozime individuale nga anetare, kryetare degesh dhe anetare te forumeve te partise.
Afrimi i vendimarrjes tek anetarësia.
• Propozimi për përfshirjen e antarësisë në procesin e përzgjedhjes së kandidatëve për deputetë. Kandidaturat, pa asnjë kufizim, që plotësojnë kriteret, kalojnë në filtrin e anëtarësisë përpara se institucionet qendrore, Kryesia dhe Këshilli Kombëtar të marrin vendimin përfundimtar.
• Ndryshimet u japin kompetenca të qarta organeve qendrore (Kryesi, Këshill Kombëtar dhe Kuvend Kombëtar) për vendimmarje të rëndësishme politike të parties, duke perfshire miratimin e propozimeve për kandidatura, për koalicione dhe aleanca, për strategjite dhe programet politike dhe elektorale;
• Vendosja e parimeve dhe garancive për zgjedhje transparente dhe demokratike në çdo nivel. Parimi i transparencës, garantimi i barazisë së kandidatëve në garë dhe garancia mbi kontrollin e procesit zgjedhor. Te detajohen plotesisht ne Rregulloren e Brendshme të Partisë që duhet të miratohet nga Këshilli Kombëtar.
• Forcimin e rolit të institucionit të kontrollit të parties, Komisioni Apelimit/Gjykatës, dhe ngritja e tij të bëhet që në mbledhjen e parë të Këshillit Kombëtar. Për të bërë nje instrument real që ka besueshmeri për anetarësinë është propozuar që Komisioni të jetë në nivel nacional.
• Standartet etike të bashkëjetesës dhe disiplinës së partisë. Futja e konceptit të “dëmit ndaj partisë”, si parim qe përdoret nga CDU gjermane dhe parashikon rastet kur anëtari kalon në grup tjetër parlamentar; merr pjesë në aktivitete të kundërshtarëve politik; mban publikisht qëndrim kundër politikës së partisë, publikon informata konfidenciale dhe sensitive; shkel ligjet dhe kryen akte të rënda në kundërshtim me etikën qytetare.
• Rregullimet për ngritjen dhe funksionimin e Komitetit të Seleksionimit të Kandidaturave, qe do të funksionojë mbi bazën e një rregulloreje te miratuar nga Këshilli Kombëtar. Eshte propozim i shpallur ne projekt-statutin e dy anetareve te KK, I pershtatur per kushtet tona nga modeli origjinal i Partise Konservatore Angleze.