Në mbledhjen e sotme të Këshillit të Ministrave është bërë emërimi i drejtorit të ri të përgjithshëm të Tatimeve.
Bëhet fjalë për Ilir Binajn që do të zëvendësojë në këtë post drejtoreshën e komanduar Eldjana Çelaj. Kjo e fundit, u komandua si drejtore e tatimeve në qershor të këtij viti kur u largua Ceno Klosi për të emëruar zv.ministër i Infrastrukturës dhe Energjitikës.
Për vendimin e sotëm të emërimit të Binajt është ngarkuar ministria përkatëse ajo e Financave dhe drejtoria e tatimeve për ta zbatuar.
Vendime të miratuara në mbledhjen e Këshillit të Ministrave, datë 2 Tetor 2024:
Vendimi i Këshillit të Ministrave:
Në mbështetje të nenit 100 të Kushtetutës dhe të pikës 2, të nenit 17, të ligjit nr.9920, datë 19.5.2008, “Për procedurat tatimore në Republikën e Shqipërisë”, të ndryshuar, me propozimin e ministrit të Financave, Këshilli i Ministrave
V E N D O S I:
1. Z. Ilir Binaj emërohet drejtor i Përgjithshëm i Tatimeve.
2. Ngarkohen Ministria e Financave dhe Drejtoria e Përgjithshme e Tatimeve për zbatimin e këtij vendimi.
Ky vendim hyn në fuqi menjëherë.
K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
BELINDA BALLUKU
Komente
Suksese eshte djale serioz dhe i pergatitur
Përgjigju