Ministrat e Britanisë së Madhe morën pjesë në një stërvitje sekrete për t'u përgatitur për ato që do të ndodhin pas vdekjes së Mbretëreshës.
Takimi në formë ushtrimi i të enjtes u kryesua nga zëvendëskryeministri David Lidington, Sekretari i Brendshëm Sajid Javid, kreu i Dhomës së Përfaqësuesve Andrea Leadsom dhe sekretari skocez David Mundell.
“Ushtrimi” u zhvillua në të njëjtën sallë në të cilën zhvillon mbledhjet Kabineti i Emergjencës ‘Cobra’ për të parandaluar kështu edhe ndonjë rrjedhje të mundshme informacioni nga punonjësit.
Pas vdekjes së mbretëreshës i pari që informohet është kryeministri dhe pas 10 ditëve të planifikuara të zisë kombëtare, 600 anëtarët e Këshillit të Fshehtë do të mblidhen në Buckingham Palace për të vendosur mbretin e ri në fron, i cili pritet të jetë Princi Çarls.