Teksa reshjet e shiut janë prezente që prej nisjes së stinës së vjeshtës, ku nuk kanë munguar dhe problematikat, institucionet vendore në Lezhë janë vënë në lëvizje. Nën drejtimin e prefektit Gjergj Prendi u zhvillua takimi i Komisionit të Mbrojtjes Civile në rang qarku, për planifikimin dhe përballimin e situatave që mund të krijohen nga moti i keq.
Në fjalën e tij para përfaqësuesve të institucioneve vendore, prefekti ju kërkoi bashkive bashkëpunim që të ezaurohen të gjitha mundësitë në raste emergjencash dhe më pas të kërkohet mbështetje e institucioneve qendrore.
Furnizimi me energji elektrike i hidrovoreve është parësore për të shmangur përmbytjet i shpreh prefekti Gjergj Prendi.
Referuar dhe eksperiencave të viteve të shkuara Lezhë dhe Kurbini, janë më të rriskuara nga përmbytjet ndaj dhe vëmendja më e madhe e autoriteteve do të jetë e përqendruar në këto bashki për përballimin e çdo situate që mund të krijohet.
Komente
