Komisioni për Çështjet Europiane shqyrtoi paraditen e sotme projekt pozicionin negociues për Grupkapitullin e V-të “Burimet, bujqësia dhe kohezioni” për negociatat me BE-në. Lajmi u konfirmua edhe nga kryeparlamentarja Elisa Spiropali.
“Me mbledhjen e sotme të Komisionit për Çështjet Europiane, Kuvendi shqyrtoi draftpozicionin negociues për Grupkapitullin V “Burimet, bujqësia dhe kohezioni”.
Me këtë mbledhje përfunduam shqyrtimin e pozicioneve negociuese për gjashtë grupkapitujt:
I “Themelorët”,
II “Tregu i brendshëm”,
III “Konkurrueshmëria dhe rritja gjithëpërfshirëse”,
IV “Agjenda e gjelbër dhe ndërlidhja e qëndrueshme”,
V “Burimet, bujqësia dhe kohezioni”,
VI “Marrëdhëniet me jashtë”, të cilat i janë paraqitur për miratim Këshillit të Ministrave.Presim shumë shpejt mbajtjen e dy konferencave ndërqeveritare BE-Shqipëri, të cilat, me hapjen e negociatave për grupkapitujt IV dhe V, do të shënojnë hapjen e negociatave për të gjithë grupkapitujt",- shkruan Spiropali në rrjtet sociale.
Mbledhja që u drejtua nga zëvendës kryetarja Etilda Gjonaj u bojkotua nga opozita me pretendimin se po zhvillohet në kundërshtim me Kushtetutën.
Kryetarja e Komisionit, Jorida Tabaku në një sqarim për Shqiptarja.com tha se mbledhja s’mund të zhvillohet jashtë sesionit parlamentar. Sipas saj, deputetët e pranishëm nuk janë rizgjedhur për një tjetër mandat në Kuvend, dhe nuk e kanë legjitimitetin që të thërrasin mbledhje. Tabaku tha se ka ofruar "zgjidhje praktike si mund ta kalonim këtë ngërç por qeveria vazhdoi në mënyrë të njëanshme".
“I sqarova qeverisë që mbledhja e Komisionit jashtë sesionit është antikushtetuese. Për një javë fillon sesioni i ri parlamentar dhe opozita e ka prioritet procesin e integrimit dhe do të bëjë çdo gjë në dorë të saj ashtu si ka bërë në çdo rast për këtë proces. Ofrova disa zgjidhje praktike si mund ta kalonim këtë ngërç por qeveria vazhdoi në mënyrë të njëanshme. Asnjë nga deputetët që sot kanë thirrur mbledhje nuk janë të rizgjedhur dhe nuk e kanë legjitimitetin të thërrasin mbledhje jashtë sesioni”, tha Tabaku.
Ndërkohë, gjatë fjalës së saj, Gjonaj tha në mbledhje se me punën që kanë bërë besojnë se do t'i hapin rrugë dërgimit të pozicionit negociues në Bruksel brenda ditëve të para të shtatorit.
Kryetarja e Kuvendit, Elisa Spiropali, njofton se Kuvendi përfundoi shqyrtimin e pozicioneve negociuese për gjashtë grupkapitujt.
Në një postim në rrjetet sociale, Spiropali shkruan se “Me mbledhjen e sotme të Komisionit për Çështjet Europiane, Kuvendi shqyrtoi draftpozicionin negociues për Grupkapitullin V “Burimet, bujqësia dhe kohezioni”.
"Me këtë mbledhje përfunduam shqyrtimin e pozicioneve negociuese për gjashtë grupkapitujt:
I “Themelorët”,
II “Tregu i brendshëm”,
III “Konkurrueshmëria dhe rritja gjithëpërfshirëse”,
IV “Agjenda e gjelbër dhe ndërlidhja e qëndrueshme”,
V “Burimet, bujqësia dhe kohezioni”,
VI “Marrëdhëniet me jashtë”, të cilat i janë paraqitur për miratim Këshillit të Ministrave.Presim shumë shpejt mbajtjen e dy konferencave ndërqeveritare BE-Shqipëri, të cilat, me hapjen e negociatave për grupkapitujt IV dhe V, do të shënojnë hapjen e negociatave për të gjithë grupkapitujt.
Anëtarësimi i Shqipërisë në BE është kryefjala e Legjislaturës XI dhe e Kuvendit të ri.”
Komente
Sa të jetë gjallë komunisti Sali non grata nuk ja mban suma me lëviz këtyre zvarranike....
Përgjigju