Ministrat e Brendshëm të 27 vendeve të Bashkimit Evropian miratuan sot vendimin për liberalizimin e vizave për Kosovën në takimin e Këshillit të Punëve të Brendshme në Bruksel. Edhe një hap tjetër është hedhur që qytetarët e Kosovës të lëvizin të lirë pa viza në vendet e Bashkimit Evropian, ashtu si të gjithë popujt e Ballkanit. Kujtojmë se Bashkimi Evropian e ka premtuar prej vitesh por është shtyrë shpesh. Vendimi i sotëm i Këshillit të Bashkimit Evropian është ndërrmarrë në mënyrë unanime, pas diskutime.
Kryeministri Rama e quajti sot të vonuar këtë hap të radhës të Bashkimit Evropian. Përmes një postimi Rama shkroi se më në fund BE po fillon të heqë nga vetja njollën e turpit që trajtonte Kosovën si të ishte shtet jashtë Evrope. Në fund, Rama uroi Kosovën por edhe BE-në.
Sipas këtij vendimi, data e nisjes së liberalizimit të vizave për qytetarët e Kosovës do të jetë koha kur të jetë tërësisht funksional sistemi i autorizimit dhe verifikimit të udhëtimeve (ETIAS), apo jo më vonë se 1 janari i vitit 2024. Deri vonë ishte thënë se hyrja në fuqi e këtij sistemi do të ishte më 1 nëntor të këtij viti, por ky afat është shtyrë për vitin 2024.
Etapat
Aktualisht, Kosova është vendi i vetëm i Ballkanit Perëndimor, qytetarët e të cilit nuk mund të lëvizin lirshëm në këtë rajon të Europës.
Ministrja e Jashtme Olta Xhaçka ka përshëndetur miratimin e liberalizimit të vizave për Kosovën nga Këshilli i BE.
“Mirëpresim vendimin e Këshillit të Drejtësisë dhe Punëve të Brendshme të BE që i hap rrugë liberalizimit të vizave për Kosovën. Le të shpresojmë që pas një vonese kaq të gjatë dhe të pajustifikuar procesi të përmbyllet sa më shpejt dhe qytetarët e Kosovës të mund të lëvizin lirshëm në zonën Shengen”, shkruan Xhaçka.
Presidenti Begaj ka reaguar pas vendimit të marrë nga Këshilli i Ministrave për miratimin e liberalizimit të vizave për Kosovën.
“Përshëndes hapin e rëndësishëm të ndërmarrë nga Këshilli i Bashkimit Evropian lidhur me lëvizjen e lirë, pa viza te qytetarëve të Kosovës ne hapësirën Shengen!
Uroj që ky proces të përmbyllet sa më shpejt dhe qytetarët e Kosovës të ndjehen njësoj si qytetarët e tjerë të Ballkanit Perëndimor!
Një vendim shumë i merituar!”- shkroi Begaj.
Kryeministri Rama ka reaguar pas miratimit të Këshillit të BE për liberalizimin e vizave për Kosovën.
“Një hap i vonuar padrejtësisht me vite u hodh sot nga BE-ja, e cila më në fund po e heq nga vetja njollën e turpit të trajtimit të Kosovës si të ishte një vend jashtë Europës!
Urime jo vetëm Kosovës, po edhe Bashkimit Europian”- thotë Rama.
Ministrat e Brendshëm të 27 vendeve të Bashkimit Evropian miratuan sot vendimin për liberalizimin e vizave për Kosovën në takimin e Këshillit të Punëve të Brendshme në Bruksel.
Komente
