Me rastin e 17 Shkurtit, pavarësisë së Kosovës, Mbretëresha e Britanisë së Madhe, Elizabeth II ka uruar presidenten Vjosa Osmani. Në urimin e saj, Mbretëresha e Anglisë, thekson se shpreson që dy shtetet të kenë periudha më të mira në të ardhmen.
“Me rastin e festës së rëndësishme të ditës suaj të pavarësisë, dua ta përgëzoj Shkëlqesinë Tuaj dhe t’ia dërgoj urimet e mia popullit të Kosovës. Ndërsa i kapërcejmë sfidat globale shëndetësore së bashku, me vendosmëri dhe këmbëngulje, uroj që të kemi periudha më të mira në të ardhmen”, thuhet në telegramin e Mbretëreshës Elizabeth.
Ndërkaq Presidentja Osmani ka falënderuar Mbretëreshën Elizabeth dhe ka pohuar se Mbretëria e Bashkuar është aleat strategjik i Kosovës dhe e ka mbështetur vendin tonë jo vetëm në procesin e arritjes së lirisë, por edhe në procesin e shtetndërtimit.
Lajmi kryesor:
Nesër përvjetori i 14-të i pavarësisë së Kosovës, urojnë Biden, Steinmeier dhe mbretëresha Elisabeth! Ja mesazhet që përcollën
SI.E./ReportTv.al