Mbretëresha Elizabeth II duket se është rikuperuar plotësisht nga COVID-19, teksa i është rikthyer edhe detyrave të saj.
Ditën e sotme ajo ka zhvilluar një takim me kryeministrin kanadez, Justin Trudeau, takimi i parë ky që mbretëresha britanike zhvillon pasi u infektua me koronavirus.
Monarkja 95-vjeçare mirëpriti kryeministrin kanadez në Kështjellën Windsor, ku u fotografua e buzëqeshur ndërsa shtrëngonte duart me kryeministrin kanadez.
Pas izolimit për pak më shumë se një javë pasi rezultoi pozitive me COVID-19, disa ditë më parë Buckingham njoftoi se Mbretëresha ishte shëruar dhe se kishte kaluar kohë me nipërit e saj.
95-vjeçarja rezultoi pozitive me koronavirus më 20 shkurt, vetëm disa ditë pasi Princi Charles dhe Dukesha e Cornwall-it ishin infektuar.
