Mbreti Charles ka dhënë mesazhin e tij të parë për Krishtlindje, duke bërë thirrje që të reflektojmë mbi krizën e kostos së jetesës.
Ai foli për "ankthin dhe vështirësinë e madhe" për ata që luftojnë "të paguajnë faturat dhe t'i mbajnë familjet e tyre me ushqim dhe të ngrohta".
Mbreti Charles bëri homazhe për nënën e tij Mbretëreshën Elizabeth. Mbretëresha e ndjerë ishte pioniere e fjalimit mbretëror televiziv në ditën e Krishtlindjes dhe përdori atë që do të bëhej mesazhi i saj i fundit vitin e kaluar.
Temat e fjalimit të Mbretit prekën disa nga shkaqet dhe besimet e tij - shqetësimin për të pafavorizuarit, rëndësinë e shërbimit publik dhe mbështetjen e një qasjeje shumë-fetare ndaj fesë.
Vetëm "familjet mbretërore" u shfaqën në ekran në transmetimin e Mbretit, duke përfshirë gruan e mbretit Camila, Princi dhe Princesha e Uellsit, Earl of Ëessex dhe Princesha Royal.
Në një kohë grindjesh industriale dhe presionesh financiare, mesazhi i Mbretit përqendrohej te ata që mbështesnin njerëzit në nevojë.
"Unë veçanërisht dua t'u bëj homazhe të gjithë atyre njerëzve të mrekullueshëm dashamirës që japin bujarisht ushqime ose donacione, ose atë mallin më të çmuar nga të gjithë, kohën e tyre, për të mbështetur ata që i rrethojnë në nevojë më të madhe," tha Mbreti.
Buckingham Palace ka thënë se fondet e dhuruara pas vdekjes së mbretëreshës së ndjerë po i jepeshin një qender bamirësie që i ndihmonte ata që nuk ishin në gjendje të paguanin faturat e energjisë.
